سيدنا رسول الله افضل مخلوق فى الجمع والمحتوا كلمه اعجاز فى الوصف والشرح والمحتوة
يجمعهم على بعض فيخرج حديث شريف من سطر وبعض الكلمات التى تحتوى على كل مفاتيح
ىالابداع فى الوصف والتحدث ومن قوتها تستمر الى يوم الدين تنظم وتعلم اى ابداع هذا
يارسول الله حولنا التعلم منك يانبى الله العظيم لاكن اش يساوى فهم مخلوخ جمب ملك
الملوك انت علمك خالق الوجود سبحانه الحق الودود ربى العظيم اختار سيدنا محمد علشان
قلبه اطهر وانقى من ماشاى ع الارض شفيعنا نبينا هوهديه من الله لنا وسبحانه جعله
هديه وتضحيه بنفسه كى يشفع ويطلب من الله الرحمه والتسامح خوفاا على امته يوم الحشر
العظيم يوم يفر المرء من كل شئ ويقول نفسى نفسى الا انت ياجبيب الله ياسيدنا محمد
بالله عليك لا تنسانى وخد يدى معك فى الجنه ان الله رجيم ودود عظيم كريم ولن يرد
شفاعتك انه لا عظيم هل المقاطعة ستأتي بنتيجة ؟ لم تكن هذه المرة التي تستعمل فيها
الشعوبالإسلامية سلاح المقاطعة ، فقد كانت لنا تجربة سابقة في مقاطعة المنتجات
الديناماركية في حادث مشابه عام 2005 عندما قامت الدينامارك بعمل رسوم مسئة للنبي
وكانت المقاطعة حينها ناجحة جدا وينقل لنا هذه التجربة المهندس أحمد أبو الفتوح في
صفحته على فيسبوك حيث كتب : سنة 2005 جريدة دنماركية نشرت صور مسيئة للنبي .. بعدها
عملنا حملة مقاطعة وكانت كل المطابع عندها بوستر عليه اشهر المنتجات الدنماركية واى
حد يحب يطبعها علشان يوزعها فى الشوارع كان بياخدها بسعر التكلفة واحيانا اصحاب
المطابع كانوا بيوزعوها ببلاش او يشيلوا من التكلفة .. . مش هنسى يوم ما طبعت كمية
ونزلت مع ناس اصحابي في نص الليل علشان نلصق البوستات على الجدران و الاعمدة ..
لقيت عدد غريب جدا من الاطفال والشباب والشيوخ نازلين فى نفس الوقت علشان يلزقوا
برضو بوسترات طبعوها !! . حملة المقاطعة مكانتش اول رد فعل .. اللى حصل فيما اذكر
:- - مظاهرات فى كوبنهاجن ضد الصحيفة. - جريدة الفجر الصفراء نشرت بعض الصور فى مصر
للتعليق عليها بحيث تحقق مبيعات ضخمة .. وحرفيا اتفشخت .. ونفس السيناريو تكرر فى
الاردن والسعودية. - سفراء دول كتير منهم مصر وجهوا بيان شديد اللهجة لرئيس الوزراء
الدنماركي وطلبوا منه عقد اجتماع ورفض بحجة انها حرية تعبير وانه عاجز عن التدخل. -
العمال فى باكستان معجبهمش موقف حكومتهم .. عملوا اضراب شامل. - كل الدول العربية
والاسلامية اخدوا موقف دبلوماسى حاد. - مظاهرات فى كل الدول العربية وحرق لعلم
الدنمارك. - فصائل المقاومة فى غزة ادول مهلة يومين او تلاتة للدنماركيين
والنرويجيين لمغادرة القطاع والموضوع تطور لاقتحام كتائب شهداء الاقصى لمكتب
الاتحاد الاوروبي فى غزة. - حكومة مصر طلبت من المصريين مقاطعة المنتجات الدنمراكية
بالتوازي مع حملة مقاطعة شعبية فى السعودية تبعتهم حملة مقاطعة فى العالم الاسلامي
كله .. - تم حرق واغلاق سفارات الدنمارك والنرويج فى عدة دول؛ اولهم كانت فى سوريا
.. الحكومة هناك بلغت ان فيه قنبلة فى السفارة .. الكل جرى على برا .. حطوا قنبلة و
ولعوا فيها .. - كتير من الدول العربية سحبت سفراءها. - الجريدة اعتذرت واعلنت عن
عدة اقالات. - رئيس وزراء الدنمارك اعتذر بشكل مهين و قال ان دى اكبر ازمة
دبلوماسية حصلت للدنمارك من ايام الحرب العالمية الاولي. - السفير الدنماركي طلب
مقابلة شيخ الازهر ( محمد سيد طنطاوي وقتها ) لتقديم الاعتذار .. طنطاوى هزقه وقاله
مينفعش يسيئوا للنبي محمد لانه مات وميقدرش يدافع عن نفسه .. طلع بعدها علي جمعة
لما كان شيخ ( وكان المفتي وقتها ) فشخ شيخ الازهر على الملأ بسبب رده المتخلف
الضعيف ..و كان ناقص يقوله كلمة قبيحة من 3 حروف .. وملخص كلامه ان المسلمين
الثائرين لسب النبي عددهم 2 مليار مسلم .. انت اخر واحد تفتح بقك فيهم.. النبي حي
في قلوبنا واحنا قلبنا محروق علشان الاساءة طالت شخصه مش علشان هو مات ومش عارف
يدافع عن نفسه. - منظمة العفو الدولية اصدرت بيان بتقول فيه : حرية الرأي مكفولة
لكنها مش مطلقة بل مقيدة؛ وان الرسومات مرفوضة. . . المقاطعة كانت السلاح الاقوى من
بين كل الاسلحة دى .. فجأة .. الدنمارك خسرت نص صادراتها للشرق الاوسط وما يقارب
20% من صادراتها عالميا .. . . انا مش بطلب منك تقاطع ( فقط ) المنتجات الفرنسية
(اللى مش مجبر تشتريها) .. انا بطلب منك تقاطع اى منتج مستورد من بلد بتضرب فى
اخواتك فى سوريا والعراق و اليمن وليبيا وغيرهم .. ما دام له بديل محلي وانت مش
مجبر عليه .. . انت لو بقال شتم والدك ادام الناس كلها .. مستحيل تروح تشترى حاجة
من عنده .. حبك لوالدك ونخوتك ورجولتك هيمنعوك .. فما بالك لو كان الشخص دا النبي -
صلى الله عليه واله وسلم - اللى قال ( لا يؤمن احدكم حتي اكون أحب اليه من ولده و
والده و الناس اجمعين ) ؟! . انت فى اختبار حقيقي لنخوتك ." تعديل : كل ردود
الافعال دي ولا فرقت مع الدنمارك في حاجة .. الحاجة الوحيدة اللى فرقت هي المقاطعة
.. فمتركزش مع ردود افعال الدول والحكومات وخليك فى الحاجة اللى تقدر تعملها واللى
اقوى من اى اداة تانية .. المقاطعة . Ahmed Aboul Fotouhمنقول من صفحة المهندس:
======= وفي النهاية : إن الإسلام دين سلام يتعايش مع كل الأديان السماوية ولا يوجد
به نزعه تطرف او إرهاب والدفاع عن الدين الإسلامي ورالنبى صلى الله عليه وسلم فرض
واجب على كل المسلمين . قال رسول الله صلى الله عليه وسلم ( من رأى منكم منكرا
فليغيره بيعده فإن لم يستطع فبقلبة فأن لم يستطع فبلسانه وذلك اضعف الايمان ) صدق
رسو الله صلى الله عليه وسلم
افضل مخلوق
تعليقات: 0
إرسال تعليق